मेरो सिनेमासगरमाथा आरोही नायक अर्जुन कार्कीलाई नेपाल चलचित्र कलाकार संघले आफ्नो संस्थाको झन्डा हस्तान्तरण गरेको छ । आगामी चैत्र ५ गतेबाट नायक कार्कीले श्री पुशपतीनाथ मन्दिर परिषरबाट सगरमाथाको यात्रा प्रारम्भ गर्नेछन् ।आज गरिएको एक औपचारिक कार्यक्रममा निर्देशक समाजका अध्यक्ष नवल खड्काले सफलताको शुभकामना दिदै कलाकार संघको झन्डा नायक कार्कीलाई हस्तान्तरण गरे । आरोहण सफलताको लागी शुभकामना दिन अनामनगरस्थित युनियन हाउसमा आयोजना गरिएको कार्यक्रममा निर्देशक खड्काले भने, ‘उहाँले सगरमाथामा संघको झन्डा फहराएको दिन हामी सम्पूर्ण नेपाली कलाकारहरुको मनमा खुसीयाली छाउनेछ ।’ त्यस्तै कार्यक्रममा सहभागी भएका विभिन्न संघ संस्थाका प्रतिनिधिहरुले पनि नायक कार्कीलाई सफलताको शुभकामना दिएका थिए । चलचित्र निर्माता संघका अध्यक्ष राजकुमार राईले नायक कार्कीको साहषलाई तारिफ गर्नु पर्ने बताए । त्यस्तै डि.सि.एन. प्रमुख अशोक शर्माले नायक कार्कीको स्वास्थ्य स्वस्थ रहोस् भनी कामना गरे । कलाकार संघका नि.वर्तमान अध्यक्ष रमेश बुढाथोकी, चलचित्र संघका महासचिव प्रदीप उदय, कलाकार कृष्ण मल्ल लगायतले अर्जुन कार्कीलाई सफल यात्राको लागी शुभकामना दिएका थिए ।
बाल शोषण महिला हिंसा यौन दुराचारले, कलंकीत भो मानव जाती रोकौ सद्व्याबहारले’ भन्ने नारा लिएर सगरमाथाको यात्रा गर्न लागेका नायक कार्कीले यो आरोहण सम्पूर्ण पिडित बालबालिका, महिला र कलाकारहरुको प्रधिनित्व रहेको भनाई राखे । कलाकार संघ सहित नेपालको झन्डा र पशुपतीनाथको जल लिएर सगरमाथा आरोहण गर्न लागेका अर्जनले काठमाडौदेखी सगरमाथा सम्म पैदल यात्रा गर्नेछन् । उनले सगरमाथा आरोहणको खर्च ४५ लाखसम्म रहन सक्ने दाबी गरेका छन् ।
त्यस्तै मावन तस्करीको आरोपमा भारतमा पक्राउ परेका नेपाली कलाकार राज हमाललाई नेपालको सुपरस्टार भन्दै केही भारतीय मिडियाले समाचार सम्प्रेषण गरेकोप्रती नेपाल कलाकार संघले आपत्ती जनाएको छ । आज नायका अर्जुन कार्कीलाई कलाकार संघको झन्डा हस्तान्तरण गर्न आयोजना गरिएको कार्यक्रममा संघले राज नेपाली सिनेमा उद्योगको सुपरस्टार नभएको भन्दै आपत्ती प्रकट गरेको हो ।
